Master and Commander

Guerras Napoleónicas, ano 1805. Con Napoleón dominando case toda Europa e Reino Unido como principar rival grazas á súa supremacía naval, Jack Aubrey capitanea un barco inglés, o Surprise, no Atlántico, que é atacado por un navío frances, o Acheron. Nesta situción, o capitán ingés ten como misión capturar o navío enimigo, e a pesar de estar en clara desventaxa, isto só provoca que o seu empeño sexa maior.

Non é fácil facer entretida unha película na que toda a acción transcorre nun barco, e neste caso o director non foi capaz de facelo. O filme cóntanos a persecución do Acheron... e nada máis. Hai historias (poucas) dalgún personaxe secundario, pero máis que para coñecer e empatizar cos personaxes, parecen feitas para encher minutos de metraxe. E precisamente creo que ese é un dos grandes erros da película, que dame igual os destinos dos personaxes secundarios, só intéresame o futuro do Capitán Jack e o seu amigo e compañeiro o doutor Stephen, xunto coa súa pseudo trama amorosa.

Grazas Tumblr por tanto

A nivel histórico a película esta moi ben ambientada: permítenos ver perfectamente como era a vida nun navío de guerra, a súa xerarquía, a gran rivalidade existnte entre os franceses e os ingleses... E amosa con gran epicidade as batallas navais, tal vez unha das súas mellores partes. No filme tamén fanse alusións a grandes figuras da época, como Lord Nelson, considerado un heroe polos ingleses, ou ao seu temible enimigo Napoleón.

En definitiva, non é un mal filme, pero o que promete ser unha épica aventura na loita contra os franceses acaba sendo unha historia insulsa de dúas horas sobre como un barco persegue a outro.

Puntuación: